2 NPA high ranking officials, 7 pa arestado
MANILA, Philippines — Dalawang high ranking officials ng Communist Party of the Philippines-New People’s Army (CPP-NPA) at pito pang kasamahan ang naaresto sa isinagawang law enforcement operation ng 62nd Infantry Battalion (62IB) ng Philippine Army (PA) at Negros Occidental Police sa Brgy. Buenavista, Guihulngan City, iniulat kahapon.
Sa bisa ng warrant of arrest na inisyu ni Judge Mario Trinidad, dinakip sina Nona Espinosa alias “Aba at Gelay”, deputy front secretary, CN1 ng Komiteng Rehiyon Negros/Cebu/ Bohol/Siquijor (KR-NCBS), at Adidas Acero alias “Baldo o BJ”, vice commanding officer ng “Leonardo Panaligan Command”.
Sina Espinosa at Acero ay may pitong warrant of arrest bunsod ng iba’t ibang krimen.
Kasama pa sa mga naaresto sina Lea Niles alias “Susan”; Xian Flores Batiken; Rodrigo Benlot alias “Morri”; Felix Policher alias “Rusi”; Analyn Flores alias “Myniel”; Crispin Diano, at Juravilla Baloy.
Nakuha sa kanilang pag-iingat ang (1) glock pistol; isang (1) caliber 45 pistol; dalawang (2) hand grenades at mga subversive documents.
Ayon kay Major General Eric Vinoya, commander ng 3rd Infantry Division ng PA, ang pagkakadakip sa limang CPP-NPA officials ay bahagi ng agresibo at mas pinaigting na kampanya ng AFP-3rd ID laban sa insurgency at mga pinaghahanap ng batas upang marating ang isang payapang Negros Island.
- Latest