Parak itinumba sa tabing dagat

MANILA, Philippines — Bangkay na nang matagpuan ang isang pulis na nakitaan ng tama ng bala sa ulo na hinihinalang pinatay ng mga ‘di kilalang salarin sa dalampasigan ng Brgy. Bo­bongan, Labason, Zamboanga del Norte nitong Biyernes.

Kinilala ni P/Captain Edwin Duco, spokesman ng Police Regional Office (PRO) 9 ang nasa­wing biktima na si P/Staff Sergeant Hermis Galisa, 37-anyos, may-asawa at nakatalaga sa Gutalac Municipal  Police Station (MPS) sa nasabing lalawigan.

Bandang alas-9 ng umaga, ayon kay Duco nang madiskubre ng mga opisyal ng barangay sa nasabing lugar ang biktima na may isang tama ng bala sa ulo.