Tserman, obrero itinumba ng tandem

TUGUEGARAO CITY,  Cagayan, Philippines — Patay ang isang barangay chairman at isang obrero sa magkahiwalay na pamamaslang ng riding-in-tandem sa Magsingal at Vigan City, Ilocos Sur noong Biyernes.

Hindi na nakaabot nang buhay sa ospital si Feliciano Tabura, 52, kapitan ng Barangay Namalpalan, Magsingal nang barilin ng riding-in-tandem habang sakay ng kanyang motorsiklo sa kanyang teritoryo dakong alas-5:15 ng hapon.

Sa nauna namang insidente sa Vigan City,  pinuruhan sa ulo ng hindi natukoy na berdugo ang obrerong si Joey Molina, 35, habang nakikipaglaklakan sa isang bakanteng lote sa Barangay Pung-ol dakong alas-10:00 umaga.

Ayon kay Lt. Colonel Charlie Angya-on, hepe ng Vigan City Police Station, walang masamang rekord sa kanilang lugar ang napatay na obrero.

Nakaharap pa rin sa blangkong pader ang awtoridad ukol sa motibo ng dalawang krimen.