Magsasaka hinarang sa daan inutas

MANILA, Philippines — Duguang bumulagta sa gitna ng kalsada ang isang 40-anyos na magsasaka matapos na harangin at pagbabarilin ng dalawang hindi nakilalang gunmen­ sa Sitio Canumay, Brgy. Tagpo sa bayan ng Mandaon, Masbate, kamakalawa ng umaga.

Ang nasawi ay kinilalang si Joel Rubio Sto.Domingo, may-asawa at residente ng naturang barangay.

Sa ulat, alas-7:00 ng umaga lulan ng motorsiklo ang biktima pauwi sa kanilang bahay nang harangin sa daan ng dalawang hindi nakilalang lalaki.

Pagtigil ng biktima ay bigla siyang pinagba­baril ng mga suspek na agarang namatay. Tumakas ang gunmen paakyat sa bulubunduking bahagi ng barangay.