DOH iminungkahi na isailalim ang Cavite, Laguna at Rizal sa ECQ
MANILA, Philippines — Nais isailalim ng Department of Health sa 1 buwang enhance community quarantine (ECQ) ang 3 lalawigan sa CALABARZON dahil sa may pinakamatataas na kaso ng Covid-19.
Ayon kay Dr. Eduardo Janairo, DOH Director 4-A, naniniwala umano ito na kailangan pa ng 1 buwang ECQ ang tatlong lalawigan upang hindi na kumalat pa ang nasabing virus at tuluyan itong mapigilan.
Bukod umano dito, kailangan ding ipatupad sa mga kumpanya ng bawat lalawigan partikular na sa Philippine Economic Zone o PEZA ang masinsing pagsunod sa mahigpit na protocol dahil ang 60 porsyento ng mga nahawa ay nagmula sa mga manggagawa sa PEZA.
Umalma ang mga mamamayan ng 3 lalawigan lalo na sa Cavite hinggil sa gutom na umano ang magiging dahilan ng kanilang panghihina at tuluyang pagkamatay kung sakaling magpatuloy ang nasabing pagpapatupad ng ECQ.
Pero ayon sa DOH na isang mungkahi pa lamang ito upang hindi na umano tumaas pa ang kaso sa mga nasabing probinsya.
- Latest
