Magdamagang drug ops sa Cavite: 37 ‘tulak’ arestado
CAVITE, Philippines — Sa kabila ng mahigpit pa ring ipinapairal ang curfew sa ilalim ng general community quarantine, kabi-kabilaan pa rin ang ginagawang transaksyon sa ipinagbabawal na gamot matapos na masabat ang tinatayang mahigit sa P300,000 na halaga ng shabu sa isang tulak na lumabag sa curfew habang nasa 36 pang drug suspect ang dinampot sa isinagawang magdamagang buy-bust operation sa magkakahiwalay na lugar dito.
Kinilala ng pulisya ang mga naarestong suspek na sina Kevin Carlo Pascual, 29; Christopher Hernandez, 43; Jernica Hernandez; 44; Ma. Maricar Cuazon; 26; Vergie Magat, 38; Rose Maica Frias, 26; Mary Ann Corollo, 33; Johaimin Diaka, 27; Norsina Limbona, 27; Salman Batugan, 26; George Sapanta, 47; Dennis Pugong Zapanta, 64; Romero Estores, 59; John Cris Naig, 29; Andy Dimapilies, 47; Jay R Asunsion; Danny Novales, 54; Rod Dela Cruz, 29; Mary Jane Sierra, 41; Kennedy Cuenca, 49; Karen Gail Manuel, 33; Teresita Santos, 54; Angielyn De Guzman, 29; Reynan Veras, 33; Fernan Zantua, 22; Ferdinand Medalla; Reynan Apostol; Joel Cabrillas, 28; Renald Luna, 35; Jemma Camerino, 48; Rhodora Alonzo, 49; Ernesto Roman, 59; Harold Samson, 21; Jonas Peroche; Alfie Gopez; Eugene Dela Torre, 36 at June Cordero, 46.
Sa ulat ng Cavite Provincial Police Office (CPPO), isinagawa ang buy-bust operation sa pagitan ng alas-12:30 kamakalawa ng hapon hanggang alas-4:40 kahapon ng madaling araw sa magkakahiwalay na lugar sa Cavite.
Sa datos, nanguna ang Bacoor City kung saan 16 na pawang mga tulak ang inaresto kasunod ang Imus City, 10; habang tig-3 naman sa Rosario at GMA at tig-2 sa Tagaytay City at Gen. Trias City, pawang sa Cavite.
Subalit sa magdamagang buy-bust operation, namumukod tangi ang pagkakahuli kay Pascual na naispatan sa kalsada ng mga pulis habang umiiral ang curfew dakong alas-2:30 kahapon ng madaling araw sa Aragon St., Panapaan 1 Bacoor City. Sinita ang suspek at tinanong ang hawak nitong itim na helmet subalit imbes na ipakita ay sinigawan pa ang mga awtoridad dahilan upang arestuhin at inspeksiyunin ang dala nito at dito nadiskubre ang tinatayang 50 gramo ng shabu na nagkakahalaga ng P325,000.
- Latest