No. 1 at 2 ‘top most wanted’ sa Cagayan nalambat
SANTIAGO CITY, Isabela, Philippines — Bumagsak sa kamay ng batas ang itinuturing na top 1 at 2 most wanted persons sa Cagayan matapos madakip ng mga operatiba ng pulisya sa magkahiwalay na lugar, ayon sa ulat kahapon.
Kinilala ni P/Col. Ariel Quilang, provincial police director ng Cagayan ang mga nadakip na akusado na sina Alex Inong, 43, top 1 most wanted na residente ng Brgy. Bangan, Sanchez Mira, Cagayan at si Alhen Javier, 27, top 2 most wanted na residente ng Barangay Dibay sa islang bayan ng Calayan sa nasabing lalawigan.
Unang dinakip kamakalawa si Inong dahil sa kasong pagpatay at paglabag sa RA 8294 habang si Javier ay dinakip din sa hiwalay na lugar dahil naman sa kasong 2 counts of rape. Pareho na walang inirekomendang piyansa ang korte para sa kanilang pansamantalang kalayaan.
Pinasalamatan naman ni Quilang ang mga operatiba ng pulisya sa matagumpay nilang operasyon lalo na ang ilang mga residente na tumulong at nagbigay sa kanila ng kaukulang impormasyon para sa pagkakahuli ng dalawang wanted.
- Latest
