3 ‘wanted’ bulagta sa shootout!
MAGUINDANAO, Philippines — Patay ang tatlong wanted persons sa isinagawang pagsalakay ng mga tauhan ng Sultan Kudarat Police Provincial Office sa Brgy. Malangit, Pandag, Maguindanao kamakalawa ng madaling araw.
Kinilala ni Sultan Kudarat acting police director Colonel Noel Kinazo ang mga nasawing suspect na sina Tongal Usop na may kasong murder, Mhajirin Usop na may kasong frustrated murder at Mohamiden Dagadas na kasama ng isa sa dalawang primary wanted persons na taga-President Quirino, Sultan Kudarat.
Sa report, hindi pa nakakalapit sa lungga ng mga suspek ang mga awtoridad nang sila ay paulanan ng bala.
Dahil dito, nagkaroon ng ilang minutong engkuwentro pasado alas-2:00 ng madaling araw.
Sinubukan pang dalhin sa ospital ang tatlong suspek pero idineklara silang dead-on-arrival.
Nakuha mula sa tatlo ang isang 12 gauge shot gun, isang cal. 38 revolver at isang fragmentation grenade.
Sa kabila nito, sinabi ng mga kamag-anak na hindi nanlaban ang tatlo at ang mga baril ay inilagay lang ng mga pulis upang pagtakpan ang kanilang operation.
- Latest