Team leader ng factory dedo sa ambush
CAVITE, Philippines — Patay matapos pagbabarilin ng ‘di nakilalang salarin ang isang team leader ng isang pabrika matapos tambangan habang naglalakad papasok sa trabaho kahapon ng umaga sa Brgy Manggahan, Gen. Trias City.
Idineklarang dead-on-arrival sa ospital ang biktima na nakilalang si Shaeffer Glenn Bisa, 27-anyos, binata, team leader ng Mechatronics Unit ng GP Synergia Tech Corp. FCIE at residente ng B6 L4 P1, Tsarina Grandvilla, Brgy.Manggahan, Gen. Trias City, Cavite.
Hindi naman nakilala ang suspek na mabilis na tumakas matapos ang krimen.
Sa ulat ni Pat Ruelord Magbitang, alas-8:40 ng umaga habang naglalakad ang biktima at papasok na sana sa factory nang bigla na lamang pagbabarilin ng armadong suspek.
Duguang bumulagta ang biktima habang mabilis na tumakas ang salarin.
Sinisiyasat pa ng pulisya ang motibo sa pagpatay at sino ang responsable dito.
- Latest
