60-anyos biyenan kinatay ng manugang
MANILA, Philippines — Karumal-dumal ang sinapit ng isang biyenan nang pagsasaksakin ng manugang na kanyang kainuman sa kanilang tahanan sa Cebu City noong Sabado ng gabi.
Dead-on-the-spot si Roberto Brigoli, 60, habang nadakip naman ang suspek na kinilalang si Jemil Comaingking, 22, at kapwa residente ng Brgy. Bagatayam, Sogod City, Cebu.
Sa report ng Sogod Police, dakong alas 7:00 ng gabi habang nasa kasarapan ng kuwentuhan at inuman ang magbiyenan nang ito ay mauwi sa mainitang pagtatalo.
Nakita na lamang ng kanilang kapitbahay na si Jason Hodaya na kumuha ng kutsilyo ang suspek at walang habas na pinagsasaksak sa katawan ang matandang biyenan na nagresulta ng agaran nitong kamatayan.
Humingi naman ng tulong si Hodaya sa mga awtoridad at agad na nadakip ang suspek at nakatakdang sampahan ng kasong pagpatay.
- Latest
