Pamilyang na-stranded sa Bulacan tinulungang makauwi ng Samar
MALOLOS CITY, Bulacan - Isang pamilyang itinuturing na locally-stranded individuals o LSIs ang tinulungan ni Gobernor Daniel Fernando na makauwi sa Barangay Cabaywa, San Sebastia?n, Samar.
Binubuo ng walong miyembro, nakatakdang lumipad ang buong pamilya ngayong araw, Linggo, lulan ng Cebu Pacific na sinagot ni Gob. Fernando.
Ayon sa governador, masaya siyang makatulong sa pamilyang ito sa pamamagitan ng Provincial Social Welfare and Development Office sa pangunguna ni Rowena Joson-Tiongson na siyang nag-asikaso ng mga kinakailangang dokumento tulad ng travel authority at medical clearance certification.
Bukod dito, binigyan din ng libreng matutuluyan at pang araw-araw na pangkabuhayan ni Fernando ang buong pamilya na naabutan ng lockdown sa Bulacan.
Upang matiyak din ang kanilang kalusugan, sinuri ang nasabing pamilya kung saan lahat ay nag-negatibo sa coronavirus disease 2019.
Labis-labis naman ang pasasalamat ng mga LSIs dahil sila ay pinabaunan pa ng P5,000 ng punong lalawigan.
- Latest
