2 ‘tulak’ todas sa buy-bust
NUEVA ECIJA, Philippines — Dalawang hinihinalang drug pusher ang patay makaraang manlaban at makipagbarilan umano sa mga kagawad ng pulisya sa isinagawang buy-bust operation sa Brgy. Poblacion East II, Aliaga, dito sa lalawigan kahapon ng madaling-araw.
Kinilala ang dalawang napatay na sina Joseph Mateo at Cris Franco Sanopo, kapwa nasa hustong gulang at residente ng Brgy. Aduas, Cabanatuan City.
Ayon sa Aliaga Police, alas-2:07 ng madaling-araw, nagsagawa sila ng buy-bust operation kasunod ng tinanggap na intelligence report na may bentahan ng droga sa lugar. Habang isinasagawa ang palitan ng droga at buy-bust money ay bigla umanong nakahalata ang dalawang suspek at itinulak ang dalawang pulis na kanilang katransaksyon hanggang sa bumunot ng kalibre .38 sa kanilang baywang at pinaputukan ang mga operatiba sanhi ng shootout. Tumimbuwang sa barilan ang dalawang suspek na kinumpirma ng Cabanatuan City Police na kabilang sa kanilang drug watchlist.
- Latest
