Higit 900 baboy na may ASF, ibinaon
TUGUEGARAO CITY, Cagayan, Philippines — Mahigit 900 na baboy na positibo sa epidemya ng African Swine Fever (ASF) ang isinailalim sa culling o pagpatay mula sa 9 na apektadong bayan sa Isabela kamakalawa.
Tinukoy ni Provincial government Spokesman Romeo Santos ang mga bayan ng Quezon, Quirino, Mallig, Aurora, Roxas, San Manuel, Gamu, Cordon at Jones na tinamaan ng ASF outbreak kasunod ng isinagawang pagsusuri ng Provincial Veterinary Office (PVO) at Department of Agriculture (DA) nitong nakaraang Linggo.
Dahil sa epidemya, iniutos ni Isabela Governor Rodolfo Albano III ang lockdown ng swine livestock sa mga apektadong bayan.
Matatandaan noong mga unang linggo ng Pebrero ay may 77 na baboy na nakitaan ng ASF ang pinatay at dinispatsa sa Quirino at Mallig. Ang pagpatay sa mga baboy ay sinaksihan ni Provincial Administrator Noel Lopez at mga kinatawan ng DA at PVO.
Ani Santos, naglabas ng P2,500 si Gov. Albano para sa bawat baboy na maililig-pit dahil sa ASF bilang tulong pinansiyal sa mga namatayan na hog raisers.
Nitong Biyernes, iniabot ni Albano ang P727,500 cash assistance sa mga hog growers sa San Ma-nuel na may pinakamaraming nakatay at inili-bing na baboy.
- Latest