2 BIFF todas sa encounter
MANILA, Philippines — Napatay ng tropa ng pamahalaan ang dalawang kilabot na miyembro ng Bangsamoro Islamic Freedom Fighters (BIFF) na itinuturing ding mga drug suspects sa inilatag na operasyon sa liblib na lugar ng Brgy. Lipao, Datu Paglas, Maguindanao kamakalawa.
Sa ulat kay Maj. Gen. Diosdado Carreon, pinuno ng 6th Infantry Division ng Philippine Army(PA), inilatag ng pinagsanib na puwersa ng PA 40th-Infantry Battalion, Philippine Drug Enforcement Agency-Bangsamoro Autonomous Region in Muslim Mindanao (BARMM) at Buluan Municipal Police ang operasyon laban sa mga suspek dakong alas-6:50 ng umaga.
Nagkabakbakan sa lugar dahil sa pagkakapaslang ng dalawang mi-yembro ng BIFF na pinamumunuan ni Kumander Grasscutter, sub-leader ng BIFF na nagtutulak ng iligal na droga sa lalawigan.
Bagama’t nakatakas si Grasscutter, dalawa sa mga kasamahan nito na wala pang pagkakakilanlan ang nasawi matapos marekober ang kanilang mga bangkay sa clearing operations sa lugar. Narekober din ang M14 rifle, M16 rifle, bandoliers at mga magazines sa pinangyarihan ng kanilang bakbakan.
- Latest