10-anyos natagpuang patay sa burol
TAYABAS, Philippines — Bangkay na nang matagpuan ang isang babaeng Grade 5 pupil na hinihinalang ginahasa saka pinatay sa tuktok ng isang burol sa Tayabas City, Quezon kahapon ng umaga.
Ang biktima ay kinilala ng mga awtoridad na si Kaycee Sabornido Oabel, 10-anyos at residente ng Brgy. Ilayang Alsam, Tayabas City.
Batay sa ulat ng Tayabas City Police, pasado alas-10:00 ng umaga nang matagpuan ang bangkay ng biktima sa magubat na bahagi ng tuktok ng burol sa Brgy. Ilayang Alsam. Mismong ang kanyang tiyuhin na si Marvin Sabornido, na isa ring barangay tanod ang nakadiskubre sa bangkay ng biktima.
Nabatid na si Oabel ay huling nakitang buhay sa paalaran dakong alas-5:00 ng hapon noong Pebrero 19 ngunit hindi na nakauwi ng kanilang tahanan.
Kaagad naman hinanap ang bata ngunit patay na nang matagpuan sa burol.
Inaalam pa ng mga awtoridad ang sanhi ng pagkamatay ng bata at kung ginahasa ng mga ‘di kilalang salarin.
- Latest
