Kagawad itinumba sa harap ng baragay hall
MANILA, Philippines — Patay ang isang kagawad ng barangay makaraang pagbaba-rilin sa harap mismo ng kanilang barangay hall ng ‘di pa natutukoy na riding-in-tandem sa Rosary Heights 11, Cotabato City, kamakalawa ng umaga.
Hindi na umabot pang buhay sa pagamutan ang biktimang si Nasser Bong Guimba, nasa hustong gulang, kagawad at residente ng nasabing lugar.
Batay sa ulat ng Cotabato City Police, naganap ang pamamaril dakong alas-8:00 ng umaga kung saan may dalawang lalaki umano na sakay ng motorsiklo ang nakatambay na sa labas ng barangay hall at pagdating ng opisyal ay sinita ang mga ito.
Tinanong ni Kagawad Bong ang dalawang lalaki kung ano ang kanilang ginagawa sa lugar at pagtalikod lamang nito ay biglang bumunot ng baril ang isa sa mga suspek at pinaputukan ang biktima gamit ang kalibre 9mm na pistola base sa basyo ng bala na narekober sa crime scene.
Patuloy pa ang ginagawang imbestigasyon sa nasabing pamamaslang.
- Latest