Rider todas sa 10-wheeler
TUGUEGARAO CITY, Cagayan, Philippines — Todas ang isang 22-anyos na rider matapos sumalpok ang minamanehong motorisiklo sa kasalubong na 10-wheeler truck sa highway ng Brgy. Nagbacalan, Paoay, Ilocos Norte noong Huwebes.
Basag ang bungo dahil sa matinding pagkakabangga sa truck ang biktimang si Raymond Villaruz, habang nasa kustodiya naman ng pulisya ang drayber ng truck na si Danilo Inocente, 22 taong gulang.
Sa salaysay ni Inocente at ng mga naka-saksi sa mga otoridad, mabilis at biglaan ang pagsalubong ni Villaruz sa truck dakong alas-9:00 ng gabi.
Dahil sa walang suot na helmet ay nawasak ang bungo ni Villaruz at nagkalat pa sa lansagan ang durog nitong utak kaya’t hindi na rin nagawang malaman ng mga imbestigador kung lasing ito nang maganap ang insidente.
Iginiit naman ng drayber ng truck ang kanyang pagiging inosente sa pangyayari.
- Latest