Mag-asawa niratrat: Misis dedo, mister kritikal
LEGAZPI CITY, Albay, Philippines — Patay ang isang ginang habang nasa malubhang kalagayan ang kanyang mister matapos pagbabarilin ng ‘di pa nakikilalang suspek habang sila’y naglalakad sa Sitio Anislag, Brgy. Pina sa bayan ng Palanas, Masbate kamakalawa ng gabi.
Dead-on-the-spot dahil sa tama ng punglo sa iba’t ibang bahagi ng katawan ang biktimang si Nelita Bonggo Atacador, 60-anyos, habang patuloy na inoobserbahan sa Masbate Doctors Hospital ang kalagayan ng mister na si Esmael Almanzor Atacador, 66-anyos, pawang residente ng nasabing barangay.
Sa ulat, dakong alas-6:00 ng gabi, naglalakad pauwi ang mag-asawa galing ng kanilang sakahan nang sumulpot sa kanilang daraanan ang nakaabang at hindi nakila-lang gunman.
Sa hindi malamang motibo ay biglang pinagbabaril ang mag-asawa gamit ang hindi malamang kalibre ng baril.
Bumulagta agad si Nelita habang sugatan sa katawan si Esmael na isinugod sa nasabing pagamutan ng mga re-sidente.
Tinutugis na ang gunman na agad tumakas patungo sa hindi malamang direksyon.
- Latest