Misis na HVT, 2 pa tiklo sa P4.3 milyong shabu
CAVITE, Philippines – Arestado ang isang ginang na high value target (HVT) at dalawa pang nasa drug watchlist matapos na masamsaman ng mahigit P4.3 milyong halaga ng shabu sa buy-bust operation ng pulisya at PDEA sa Brgy. Molino 2, Bacoor City kahapon.
Kiniala ni Pol. Col. Vic Cabatingan, hepe ng pulisya sa lungsod ang mga suspek na sina Aisa Juiamalo alyas “Aisa”, 58-anyos, may asawa; babaeng si Bainot Saidali alyas “Tamban”, 40, at Nasser Makalpal, 38; kapwa residente ng Houston St., George Town Phase 2, Brgy. Molino 4, Bacoor City, Cavite.
Sa ulat, dakong alas-2:45 ng madaling araw nang ikasa ang buy-bust ng City Drug Enforcement Team ng Bacoor City Police kasama ang ilang miyembro ng PDEA-Cavite sa nasabing lugar at isang pulis ang tumayong poseur buyer na nakipag-deal sa mga suspek.
Nang magpositibo ang transaksyon, dito na dinakma ang mga suspek at nakumpiska sa kanila ang isang milk container at isang coin purse na naglalaman ng 635 gramong shabu na nasa ?4,318,000 ang halaga.
- Latest