2 ‘tulak’ bulagta, 13 huli sa buy-bust
MALOLOS CITY, Bulacan , Philippines– Dalawang hinihinalang drug pusher ang patay habang 13 iba pa ang natimbog sa magkakahiwalay na buy-bust operation kahapon ng madaling araw sa bayan ng Plaridel at siyudad ng Meycauayan, lalawigang ito.
Kinilala ni P/Col. Emma Libunao, Bulacan Provincial director ang mga napatay na suspek na sina alias Unta at Christian Encabo alias Balawis.
Si alias Unta ay napatay sa Brgy. Lalangan, Plaridel dakong ala-1:00 ng madaling araw habang si Balawis ay tumumba dakong alas-2:30 ng madaling sa Brgy. Malhacan, Meycauayan.
Ang dalawang suspek ay pawang nanlaban umano sa mga otoridad sa buy-bust at kapwa nasa PDEA drug watchlist. Nakuha sa mga nasawi ang 30 piraso ng plastic sachet ng shabu, dalawang cal .38 revolver at buy-bust money.
Samantala, 13 pang tulak ng droga ang naaresto ng mga pulis sa magkakahiwalay na drug operation sa San Jose del Monte City; Meycauayan City at San Ildefonso. Nasamsam sa mga suspek ang 36 plastic sachet ng shabu, mga drug paraphernalia at buy-bust money.
- Latest
