Tserman, live-in partner nilikida

DAVAO, Philippines — Ang pagiging aktibo sa kampanya laban sa New People’s Army o NPA ang isa sa mga nakikitang dahilan kung bakit pinaslang ang isang punong barangay at live-in partner nito sa Purok Mundo Hill, Sitio Quarry sa Barangay Gumitan, Marilog District, Davao City noong Sabado ng umaga.

Batay sa paunang imbestigasyon ng pulisya, magkaangkas sa motorsiklo sina Brgy. Chairman Fernando Banayao at Genevieve Valenzuela nang tambangan sa nabanggit na lugar.

Agad namatay si Banayo habang hindi na umabot ng buhay sa ospital si Valenzuela. Narekober sa lugar ng krimen ang pitong basyo ng kalibre .45 na baril at dalawang .9mm. Sinasabing aktibo sa kampanya laban sa mga miyembro ng  NPA ang kapitan ng barangay.