Kelot niratrat habang lumalaklak
MANILA, Philippines — Hindi na umabot pang buhay sa pagamutan ang isang lalaki matapos pagbabarilin habang lumalaklak sa loob ng isang videoke bar sa Delcano St., Brgy. Heights 10, Cotabato City nitong Miyerkules ng gabi.
Ang nasawing biktima ay kinilalang si Adsquell Mohammad Parnan, 24-anyos, binata, at residente ng Brgy. Bagua Dos, sa naturang lungsod.
Sa ulat, dakong alas-7:00 ng gabi nang bigla na lamang umanong lumapit ang isang lalaki sa biktima habang nasa loob ng videoke bar at pinagbabaril ito nang tatlong beses saka tumakbo palabas.
Nagtamo ng mga tama ng bala sa iba’t ibang parte ng kanyang katawan ang biktima mula sa cal. 45 pistol at nadala pa sa pagamutan ngunit idineklarang dead-on-arrival.
Blangko pa sa ngayon ang mga otoridad sa motibo at pagkakakilanlan ng suspek.
- Latest