‘Rapist’ nanlaban, patay
CAVITE, Philippines -- Tumimbuwang ang isang suspek matapos tangkaing takasan ang mga pulis na umaresto sa kanya sa kasong rape sa Dasmariñas City, sa lalawigang ito, kamakalawa.
Ang napatay na suspek ay si Justine De Guia, nasa hustong gulang.
Ayon sa ulat, humingi umano ng tulong ang biktimang si Natalie Rose Yuching matapos siyang pagbantaang papatayin ng suspek dahil sa isinampa niyang kaso ng panggagahasa laban dito.
Agad naman na rumesponde ang mga pulis at dinala ang suspek sa PCP-Burol 10 pero habang nandoon ay nagawang bumunot ng suspek ng kaniyang kalibre .22 na itinago lang pala nito sa kanyang brief at pinaputukan ang mga pulis bago tumakbo patakas habang nagpapaputok.
Dito ay nagkaroon ng habulan hanggang sa masukol ang suspek at mapatay ng mga pulis.
- Latest
