Bahay sumabog, lola natusta
LEGAZPI CITY, Albay , Philippines — Kalunos-lunos na kamatayan ang sinapit ng isang matandang babae matapos ma-trap sa nasusunog nitong bahay kasunod ng malalakas na pagsabog sa Sitio Bariis, Brgy. Poblacion, bayan ng Rapu-Rapu kamakalawa ng madaling araw.
Halos hindi na makilala nang matagpuan ang bangkay ng biktima na kinilalang si Hermania Bigtas Echano.
Sa ulat, dakong alas-2:30 ng madaling araw, nagulantang ang magkakapitbahay nang marinig ang malalakas na pagsabog. Nang kanilang tingnan ay nakitang nilalamon na ng apoy ang bahay ng biktima. Nagtulung-tulong ang mga residente na apulahin ang apoy at iligtas ang biktima pero bigo sila hanggang sa kasamang matupok ang biktima.
Sinisiyasat pa ang sanhi ng pagsabog na hinihinalang dahilan ng sunog
- Latest