Amerikano nalunod sa resort
PALAWAN, Philippines — Isang 59-anyos na US citizen ang nalunod matapos umano na makipag-inuman kamakalawa sa isang resort sa Puerto Princesa City, Palawan kamakalawa.
Kinilala ang nasawi na Amerikano na si Stephen Duane Dewitt, ng 38 Manalo St., Puerto Princesa City.
Lumalabas na dakong alas-2 ng hapon noong Sabado nang maganap ang insidente sa Beach Resort sa Sitio Pagkakaisa, Brgy. Napsan ng nasabing lungsod.
Gayunman, naireport lamang umano ang insidente dakong alas-6:30 ng gabi ng isang Felmel Atienza sa pulisya.
Bago naganap ang insidente, nakipag-inuman muna ang biktima sa mga kaibigan at matapos ay naligo na sa dagat hanggang sa bigong makabalik sa kanyang mga kasama.
Dahil dito, hinanap umano ng mga kaibigan si Dewitt at nadiskubre na nalunod na ito.
- Latest