14 na dayuhan sinagip sa sex den
MANILA, Philippines – Camp Julian Olivas, Pampanga- Sinalakay ng Regional Anti-Trafficking in Persons Task Group 3 (RATTG 3) ang isang hinihinalang sex den sa loob ng Clark Development Corporation, Mabalacat City, Pampanga nitong Martes ng madaling araw.
Sa ulat buhat sa tanggapan ni Police Regional Director P/ Brig.General Rhodel Sermonia, nasagip ang 14 na kababaihan na pawang mga Vietnamese at Chinese nationals. Naaresto naman ang dalawang hinihinalang operator nito na kinilalang sina Lin Xuan, at alias Lepai habang mabilis na nakatakas ang manager na si Wenqiang Zeng, lahat ay Chinese nationals.
Napag-alaman na pawang banyagang kliyente lamang ang nakakapasok sa nasabing sex den.
Nasamsam sa mga suspek ang ilang cash, mobile phones, ilang box ng condoms, pasaporte, mga IDs, isang unit ng Mitsubishi Montero at Mitsubishi Mirage sedan.
- Latest
