Kelot pisak sa dump truck
TUGUEGARAO CITY, Cagayan, Philippines — Ka-lunus-lunos ang sinapit na kamatayan ng isang 49-anyos na mister na napisak ang ulo matapos magulungan ng dump truck na tumumbok sa kanilang traysikel sa highway ng Barangay Napaccu Grande, Reina Mercedes kahapon.
Sa report ng Reina Mercedes Police Station, nawalan ng preno ang trak na minamaneho ni Erwin Ramirez sa kurbadang bahagi ng kalsada at nakasalpukan ang kasalubong na traysikel na minama-neho ni Rowel Daliri na umano’y umagaw ng kanyang linya dakong alas-4:00 ng hapon.
Ayon sa report tumilapon si Jordan Langdon na angkas ni Daliri sa likuran saka nagulungan ng trak na may kargang buhangin.
Isinugod ng mga sumaklolo si Daliri sa ospital habang naiwan na lamang sa gitna ng kalsada ang nasawing si Langdon na hinintay ang sasakyan ng punerarya na kukuha sa kanya.
Boluntaryo namang sumuko si Ramirez sa pulisya matapos ang insidente.
- Latest