4 huli sa drug ops
CAVITE, Philippines — Kalaboso ang apat na katao kabilang ang isang dalagita sa isinagawang drug bust operation sa bayan ng Bacoor, sa lungsod na ito, kamakalawa ng gabi.
Ang mga naarestong suspek ay kinilalang sina Michael Mogara, 37-an-yos, residente ng Village Homes, Brgy Queensrow West; Masao Umikawa, 31, online seller, residente ng Brgy. Molino 3; Mhelnes Palisoc, 22, dalaga, residente ng Brgy. Molino 3; ang dalagitang 16-anyos na itinago sa alyas na “Noi”, residente rin ng nasabing lugar.
Sa ulat ng pulisya, ikinasa dakong alas-10:00 ng gabi sa Village Homes, Brgy. Queensrow West ng lunsod at dito nadakma ang mga suspek na naaktuhang nagre-repack ng mga shabu at marijuana.
Nakuhanan ang mga ito ng may 1.25 grams ng pinatuyong dahon ng marijuana na may halagang P10,000.00 at shabu na may timbang na 9.25 grams na aabot sa halagang P62,900.00.
- Latest
