Magsasaka tigok sa hagupit ni Ramon
TUGUEGARAO CITY, Cagayan, Philippines – Kumitil ng isang buhay ang nagdaang bagyong Ramon matapos tangayin ng malakas na agos at malunod ang isang magsasaka sa Barangay Daga, Conner, Apayao noong Miyerkules.
Sinabi ni Albert Bacuyag ng Conner Disaster Risk Reduction Management Office na narekober kahapon ang bangkay ni Jasmar Bandung, 40-anyos kasunod ng isinagawang search and rescue operation.
Ang pagtangay ng agos kay Bandung ay nasaksihan ng kanyang bayaw na si Nick Antonio, na masuwerteg nakatawid sa Umnay creek dakong alas-3:00 ng hapon.
Ayon kay Bacuyag, patungo si Bandung sa kanyang imbakan ng inaning mais upang takpan ang mga ito sa buhos ng ulan.
Sa kabilang dako, sinabi ni Bacuyag na bagamat walang nakataas na babala si typhoon Sarah sa Apayao ay pinag-iingat pa rin nila ang mga mamamayan sa pabugso-bugsong pag-ulan at insidente ng pagguho ng lupa na nagbabanta anumang oras.
- Latest