Birthday boy, 1 pa patay sa lunod
MANILA, Philippines — Dalawang bata kabilang ang isang nagdiriwang ng kaarawan ang nasawi habang isa pa ang nasagip matapos silang malunod sa magkahiwalay na insidente sa Pangasinan kamakalawa.
Sa ulat ng Panga-sinan Police, alas-3 ng hapon nang aksidenteng malunod sa swimming pool ang batang si Alvin Bautista, 7-anyos, Grade 1 pupil sa Treshland Resort, Brgy. Tabag, Mangaldan ng lalawigan.
Ang biktima ay nagdiriwang ng ika-pitong taong kaarawan kasama ang kanyang pamilya kaya nagtungo sa resort upang mag-swimming. Gayunman, hindi namalayan ng pamilya ng biktima na napagawi ang bata sa malalim na bahagi ng pool sanhi upang malunod sa 3-4 talampakang lalim ng tubig.
Ang biktima ay iniahon ng lifeguard at dinala sa Rural Health Unit 1 sa Mangaldan bago inilipat sa Medical Centrum Hospital sa Dagupan City pero idineklara na siyang dead-on-arrival.
Samantala, alas-4:25 ng hapon nang aksidenteng madulas at mahulog sa malalim na bahagi ng fishpond ang magpinsang sina Richard Ferrer, 9 anyos, Grade 1 at Kenneth Caronan sa Brgy. Talospatang, Malasiqui.
Sa imbestigasyon, nagtungo sa fishpond ang dalawa para huga-san ang kanilang paa at tsinelas matapos na manguha ng kuhol sa palayan nang madulas si Ferrer sa 10 talampa-kang lalim ng fishpond. Tinangka namang sagipin ni Caronan ang batang pinsan pero nalunod din siya. Nakita naman ng isang concerned citizen ang insidente kaya sinagip nito ang dalawa.
Sa kabila nito, si Ferrer ay idineklarang dead-on-arrival sa Blessed Family Doctors General Hospital sa San Carlos City habang si Caronan ay nasa maayos nang kondisyon sa Pangasinan Provincial Hospital.
- Latest
