Trader natagpuang naaagnas sa balon
LEGAZPI CITY, Albay, Philippines — Naaagnas na ang isang 52-anyos na binatang negosyante nang matagpuan habang nakalutang sa malalim na balon sa Brgy. Banocboc, Vinzons, Camarines Norte kahapon ng umaga. Nahirapan pa ang mga residente na iahon sa balon ang nangangamoy nang bangkay ng biktima na si Jonathan De Panes Umerez ng Purok-2, nasabing barangay.
Ayon sa ulat, dakong alas-9 ng umaga, ilang residente at kamag-anak na naghahanap sa ilang araw nang nawawalang biktima ang nakadiskubre na nasa loob ito ng balon na may lalim na 15-talampakan, nasa mahigit dalawang kilometro ang layo sa kanilang bahay. Pinaniniwalaang naglalakad pauwi ang biktima pero dahil sa malakas na bagsak ng ulan ay hindi nito napansin ang balon kaya posibleng nadulas at nahulog.
- Latest
