4 magkakaanak nilamon ng ilog
MANILA, Philippines — Apat na magkakaanak kabilang ang tatlong batang estud-yante ang nasawi habang isa pang paslit ang nawawala makaraan silang tangayin ng agos at lamunin ng ilog habang nagswi-swimming sa Brgy. Salinap, San Carlos City, Pangasinan, ayon sa opisyal kahapon.
Kinilala ni San Carlos City Police Station chief P/Lt. Col. Garie Noel Pascua ang mga namatay na sina Jaymark Zuniega, 10-anyos; Grade V; Jaypee John Lacaba, 12; Grade 7; Sheryl Palania, 30-an- yos at Reymart Peralta, 11, Grade 5; pawang residente sa lugar.
Pinaghahanap naman ang nawawalang si Dionisio Lacada, 11-anyos na kalaro rin ng mga biktima.
Sa report, alas-3:40 ng hapon noong Miyerkules nang maganap ang insidente pero naiulat lamang sa pulisya ang insidente kinabukasan ng tanghali.
Dahil sa holiday ng araw na iyon at walang klase, nagkayayaan umano ang grupo ng mga bata kasama si Palania na maligo sa ilog ng Brgy. Salinap. Gayunman, tinangay ng malalakas na agos ang mga biktima matapos na mapagawi sa malalim na bahagi ng ilog. Isa namang residente ang nakakita sa mga nalulunod na bata kaya agad siyang humingi ng tulong.
Sa isinagawang search and rescue ope-ration, magkakasunod na narekober ang bangkay ng apat na bata pero nabigong makita ang katawan ng isa pa.
“We are still searching for the body and we have already asked the Philippine Coast Guard to hasten the retrieval operations,”pahayag ni Pascua.
- Latest
