3 todas sa salpukan
MANILA, Philippines – Patay ang isang driver ng sports utility vehicle (SUV) at sakay nitong mag-asawa nang makasalpukan ang isang dump truck sa Brgy. Maluko, Manolo Fortich sa Bukidnon kahapon ng umaga.
Kinilala ang mga nasawi na sina Prince Clark Borja, driver at mag-asawang Emmanuel at Anecita Barabat. Sugatan naman ang kanilang kasamahan na hindi pa tinukoy ang mga pangalan.
Sa imbestigasyon, galing sa Dalirig, Manolo Fortich ang dump truck ay papunta umano sa Malaybalay, habang papunta naman ng Cagayan de Oro City ang mga biktima na pawang mga empleyado ng VCDU Realty Corporation. Habang binabagtas nila ang nasabing kalsada, bigla na lamang umanong umagaw ng linya ang trak dahilan para masalpok nito ang SUV na nagresulta sa pagkamatay ng tatlo.
Hawak na ng pulisya ang driver ng trak na nahaharap sa kasong reckless imprudence resulting in multiple homicide, multiple serious physical injuries, at damage to properties.
- Latest