Trader itinumba sa motor shop
RIZAL, Philippines – Isang negosyante ang patay habang sugatan ang isang trabahador nito matapos silang pagbabarilin ng riding-in-tandem sa isang motorcycle parts and accessories shop na pag-aari ng una sa bayan ng Rodriguez, lalawigang ito kamakalawa ng gabi.
Sa ulat, dead-on-the-spot ang motor shop owner na si Sonny Jurado, 50, dahil sa dalawang tama ng bala sa katawan habang nilalapatan ng lunas sa pagamutan ang kanyang tauhan na si Ronald Topacio, 50.
Batay sa ulat, dakong-6:32 ng gabi nang maganap ang krimen sa loob ng motor shop ni Jurado na matatagpuan sa 16 Don Mariano Avenue Extension, Brgy. San Jose, nasabing bayan. Habang nasa loob ng tindahan si Jurado at nag-aayos ng mga paninda at si Topacio naman ay nasa labas at nag-aasikaso ng bumibiling kustomer nang biglang dumating ang dalawang suspek. Agad na nilapitan ng mga suspek si Jurado at dalawang ulit na pinaputukan saka pinuntahan si Topacio at binaril din. Tumakas ang dalawa patungo sa direksiyon ng Brgy. San Jose bitbit ang baril na ginamit sa krimen.
- Latest