Convicted holdaper-rapist arestado
TUGUEGARAO CITY, Cagayan, Philippines – Nalambat ng mga awtoridad ang isang sentensiyadong kawatang rapist matapos matunton ang kanyang lungga sa Sitio Gapa, Brgy. San Antonio Cabagan, Isabela kamakalawa.
Kinilala ni Major Noel Magbitang, hepe ng Cabagan Police Station ang nadakip na si Freddie Garro 51 na isang pugante sa Isabela Provincial Jail noong 1997.
Ayon kay Magbitang, kinasuhan si Garro ng panggagahasa sa kanyang biktimang hinoldap noong 1995 at nakulong habang dinidinig ang kaso.
Nabatid na nagbalatkayong babae si Garro nang tumakas makaraan ang dalawang taon. Sa rekord, sinentensiyahan ng Korte ng pagkakakulong si Garro noong 2001. Habang nakapuga, nagpapanggap si Garro bilang kumander ng NPA at kinokotongan ang malalaking negosyante sa Isabela hanggang sa siya’y natimbog.
- Latest
