Beybi natagpuang nakalutang sa balon
LEGAZPI CITY, Albay, Philippines — Patay na nang matagpuan ang isang bagong silang na sanggol na palutang-lutang sa loob ng isang balon sa Brgy. Libtong, Libon, Albay kamakalawa ng umaga. Patuloy na iniimbestigahan ng mga pulis ang pagkakakilanlan ng nanay ng pinaniniwalaang bagong panganak na babaeng sanggol o kung sino mang nagtapon sa balon. Sa ulat, dakong alas-7 ng umaga, ilang residente ang nagpunta sa balon para sana maligo pero nagulat sila nang makita ang palutang-lutang na beybi. Hindi pa masiguro kung buhay o patay itong itinapon sa balon. Agad na ipinagbigay alam ni Brgy. Chairman Alvino Dela Rama sa mga pulis ang insidente.
- Latest