Guro nakaligtas sa ambush
MANILA, Philippines — Isang elementary school teacher ang nasugatan at nasa malubhang kalagayan makaraang barilin ng hindi pa nakikilalang mga suspek habang isinasagawa ang flag raising ceremony sa kanilang eskuwelahan sa Bukidnon kamakalawa.
Nakilala ang biktima na si Zhaydee Cabañeles, 32, guro ng Dalit Elementary School sa Valencia City naturang lalawigan.
Sinabi ng Alliance of Concerned Teachers na nagtamo si Cabañelez ng tama ng bala ng baril sa kanyang dibdib at paa makaraang barilin ng apat na maskaradong lalake sa harap ng mga testigo at ng kanyang mga estudyante.
Nabatid na si Cabañelez ay aktibong kasapi ng ACT at outstanding teacher awardee ng kanyang barangay at nangangampanya para sa pagsusulong ng mga kapakanan ng mga guro.
- Latest