Graduating stude, 1 pa dedo sa salpukan ng 2 motorbike
MANILA, Philippines — Patay ang isang graduating student na babae at isang binata habang sugatan ang tatlong iba pa makaraan ang salpukan ng dalawang motorsiklo sa panulukan ng Burgos Street at Roxas Avenue sa Brgy. Poblacion, Tacurong City noong Biyernes ng hapon.
Kinilala ang mga nasawi na sina Perce delos Reyes Cabagay, 18-anyos, dalaga, estudyante ng Tacurong City National High School na nagsilbing driver ng Kawasaki CT 100 (MA 834) at driver ng nakabanggaang Honda XRM 125 na si Michael Santos Paulino, 23-anyos, binata, ng Block 2, Abeto Subdivision, Brgy. Buenaflor, Tacurong city
Sugatang sina Elven John Navarro Cabagay, 16, at Verna delos Reyes Pedroso, 18, estudyante; pawang ng Purok 5, Brgy. Tinaungan, President Quirino, Sultan Kudarat na mga angkas ni Cabagay at ang angkas ni Paulino na si Wilfred Quimsing Gregorios Jr., 20, binata, ng Brgy. Tual President Quirino.
Sa ulat ng Tacurong City Police Traffic Section, ala-1:00 ng hapon habang binabagtas ng mga biktima ang magkaibang direksyon nang pagdating sa nasabing lugar ay aksidenteng nabangga sa tagiliran ng XRM na minamaneho ni Paulino ang Kawasaki CT100 ni Perce dahilan para tumilapon ang lahat ng mga sakay nito sa gilid ng daan.
Agad na rumesponde ang rescue team ng Tacurong City Fire Department at isinugod ang mga biktima sa magkaibang pagamutan. Gayunman, makalipas ang ilang oras ay idineklarang patay sina Cabagay at Paulino.
- Latest