Trak sumalpok sa puno: 1 todas, 3 kritikal
ATIMONAN, Quezon, Philippines — Hindi na umabot pang buhay sa ospital ang isang pahinante habang malubhang nasugatan ang tatlong iba pa makaraang bumangga ang kanilang sinasakyang delivery truck sa puno ng Narra sa gilid ng National highway sakop ng Barangay Sta. Catalina, sa bayang ito kamakalawa ng umaga.
Nagtamo ng grabeng pinsala sa ulo at katawan si Jerry Comoseno,35, samantalang patuloy na nilalapatan ng lunas sa Doña Martha General Hospital ang driver ng Fuso truck (AAB-3602) na si Zoren Buenaventura, 23, isa pang pahinante na si Roberto Eglobo, 24, at manager nilang si Francisca Dyico, 60, pawang mga residente ng Gapan, Nueva Ecija.
Batay sa imbestigasyon ng pulisya, patungo sa Bicol Region ang nasabing trak na kargado ng mga saku-sakong bigas. Pagsapit sa kurbadang bahagi ng kalye ay nawalan ng kontrol sa manibela ang driver nito na naging sanhi upang magpagewang-gewang hanggang sa tuluyang bumangga sa puno dakong alas-6:30 ng umaga.
- Latest