PWD na ‘tulak’, runner tiklo sa droga

CAVITE, Philippines — Isang person with disability (PWD) at runner nito na kapwa nasa drug watchlist ang nadakma sa buy-bust operation ng mga awtoridad sa kamakalawa ng hapon sa Brgy. Salawag, Dasmariñas City. Kinilala ni Police Supt. Nerwin Ricohermoso, hepe ng Dasmariñas Police ang mga suspek na sina Larry Empeno, 53-anyos, isang pipi’t bingi na nasa drug list ng pulisya bilang pusher, residente ng Paliparan Road, Brgy. Salawag ng lungsod at Randy Osayan alias “Ran”, 43, ng Phase 4 Brgy.

Pinagbuklod, Imus City, Cavite. Ayon kay Col. Ricohermoso, alas-4:00 ng hapon nang ikasa ng PIB/DET-Cavite ang anti-Illegal drugs operation laban sa mga suspek. Mismong ang dalawang suspek umano ang nag-abot ng droga na may halagang P500 sa poseur buyer na pulis.

Matapos ang transaksyon, agad na dinakma ang dalawa na nakumpiskahan ng may 5 plastic sachet ng shabu na nasa 30 gramo na aabot sa halagang P300,000.