Kagawad kritikal sa hit-and-run

TUGUEGARAO CITY, Cagayan, Philippines – Nasa malubhang kalagayan ngayon ang isang kagawad ng barangay na biktima ng hit-and-run matapos tumbukin ng kotse ang minamanehong motorsiklo naganap sa Brgy. Bitalag, Tagudin, Ilocos Sur noong Miyerkules.

Kinilala ng pulisya ang biktima na si Kagawad Hector Paolo Galvez III, 33-anyos, na inilipat sa isang pribadong ospital sa San Fernando City, La Union mula sa Ilocos Sur District Hospital.

Ayon sa mga saksi, isang puting Mitsubishi Lancer ang nakadisgrasya sa opisyal na tumuloy sa pagtakbo matapos ang insidente dakong alas-10:30 ng gabi.

Patuloy namang inoobserbahan ang kalagayan ng kagawad habang pinaghahanap na ng mga otoridad ang tumakas na driver ng kotse.