Abogado at kliyente niratrat: 1 todas

Pampanga, Philippines — Patay ang isang kliyente habang sugatan ang kanyang abogado matapos silang pagbabarilin ng hindi pa kilalang mga suspek sakay sa isang motorsiklo sa kahabaan ng Jose Abad Santos Avenue, Brgy. San Jose, lungsod ng San Fernando, Lunes ng tanghali.

Sa ulat sa tanggapan ni P/Lt. Col. Paul Gamido, hepe ng San Fernando Police, kinilala ang nasawi na si Mario Lalic, 67-anyos, ng Brgy. Balibago Angeles City habang ang nasugatang legal counsel ay si Atty. Marvin Tullao.

Sinasabing lulan ng isang kulay brown na Toyota Hi Lux pick up (RJC-256) ang mga biktima galing sa isang hearing ng kanilang kaso sa korte nang lapitan ng mga gunmen matapos silang huminto sa stoplight sa lugar saka pinagbabaril. Matapos ang pamamaril, agad na tumakas ang mga suspek sakay ng motorsiklo.