Mister patay sa ambush

LEGAZPI CITY, Albay, Philippines — Dead-on-the-spot ang isang 52-anyos na magsasaka matapos na abangan at pagbabarilin ng riding-in-tandem gunmen habang lulan ng motorsiklo patungo sa kanyang lupain sa kahabaan ng diversion road ng Zone-4, Brgy. Perpetual Help, Iriga City, Camarines Sur kamakalawa ng umaga.

Tama ng punglo sa iba’t ibang bahagi ng katawan ang tumapos sa buhay ng biktimang si Paterno Arroyo Llorente, residente ng Guevarra Street, Brgy. San Roque.

Sa ulat, dakong alas-8:40 ng umaga, lulan ang biktima ng kanyang motorsiklo patu­ngo sana sa lupaing sinasaka nang biglang humarang sa kalsada ang dalawang suspek na lulan din ng isang motorsiklo at bigla na lang siyang pinagbabaril. Siniguro muna ng mga suspek na patay na ang biktima bago sila tumakas.