Anak na nanakal, kinatay ng 68-anyos ama
LEGAZPI CITY, Albay, Philippines — Patay ang isang 44-anyos na lalaki matapos pagtatagain ng sariling tatay na 68-anyos nang sakalin ng biktima ang huli na ayaw magpaawat sa pakikipag-away sa kapatid sa Brgy. Saba-ngan, Caramoran, Ca-tanduanes kahapon ng madaling-araw.
Dead-on-arrival sa Pandan District Hospital ang biktimang si Johnny Dela Cruz, may-asawa habang arestado ang tatay nito na si Rogelio, pawang residente ng nasabing barangay.
Sa ulat, dakong alas-12:40 ng madaling-araw, nagising ang tatay sa ingay ng mga anak na sina Johnny at Isaw na parehong lasing at nag-aaway.
Dahil dito, agad na bumangon ang tatay at sinaway ang magkapatid na nag-aaway.
Gayunman, sa hindi malamang dahilan ay sinugod ni Johnny ang ama at sinakal pero nang makahulagpos ang matanda ay kumuha ng itak at pinagtataga sa iba’t ibang bahagi ng katawan ang nasabing anak.
- Latest
