2 supplier ng Maute-ISIS sumuko
MANILA, Philippines — Sumuko sa mga sundalo ang dalawang armadong supporter ng Maute-ISIS inspired group sa Brgy. Matitikop, Tubaran, Lanao del Sur.
Sinabi ni 103rd Infantry Brigade Commander Brigadier General Romeo Brawner, Jr. ng Philippine Army, isinuko rin ng dalawa na ‘di pinangalanan sa 55th Infantry Battalion ang dalawang cal. 45 pistol at mga bala.
Ayon sa dalawang sumuko, sila umano ang nagbibigay ng supply sa grupo sa napatay ng lider ng Maute Group na si Owayda Marohombsar alyas Abu Dar.
Si Abu Dar at tatlo nitong kasamahan ang napatay ng militar sa mainit na bakbakan sa Brgy. Dinaigan, Tubaran, Lanao del Sur.
Ayon pa kay Brawner, malaki ang naitulong ni Tubaran Mayor Khaledyassin Papandayan sa pagsuko ng mga suporter ng Maute-ISIS Group bilang pakikiisa sa kampanya ng pamahalaan laban sa terorismo.
- Latest