Obrero todas sa sobrang kalasingan

TUGUEGARAO CITY, Cagayan  , Philippines  —  Dahil sa labis na kalasingan, namatay ang isang 44-anyos na obrero matapos ang magdamag na pakikipaglaklakan nito sa pagdaraos ng may kaarawan sa Brgy. Centro North West, Solana, Cagayan kamakalawa.

Sa report ng pulis­ya, natagpuan na lamang ng mga barangay tanod si Mariano Mabborang na wala nang buhay na nakahilata sa bangko sa labas ng bahay ni Anjenet Datul dakong alas-7:00 ng umaga.

Ayon sa mga kaa­nak, sinasabing mayroong iniindang sakit na alta presyon si Mabborang na pinaniniwa­laang ito ang sanhi kung bakit natigok nang wala sa oras.

Dinala na lamang sa punerarya ang mga labi ng biktima para sa post mortem examination ng mga awtoridad.