NPA ‘persona non grata’ sa N. Cotabato
NORTH COTABATO - Idineklarang “persona non grata” sa buong bayan ng President Roxas sa lalawigang ito ang grupong New People’s Army (NPA) kahapon.
Ayon kay Municipal Mayor Jonathan Mahimpit, ang kanilang isinagawang maiksing programa na may temang “Pagkakaisa ng Mamayan Susi sa Kaunlaran” ay idineklarang persona non grata ang NPA sa kanilang bayan. Sinunog din nila ang mga bandila ng CPP-NPA na nagpapakitang iwinaksi nila ang ideyalismo ng kilusan. Layon umano nitong tuluyan nang makamit ng kada-barangay sa nasabing bayan ang tunay na kapayapaan.
Kasabay nito, mahigit sa 230 na mga dating miyembro ng NPA ang sumuko sa mga otoridad at kabilang sa kanilang isinuko ang iba’t ibang uri ng armas sa programa kahapon.
Siniguro naman ng pulisya at militar ang seguridad ng mga sumuko at pagtitiyak ng alkalde na magbibigyan sila ng livelihood projects.
- Latest
