Resto bar ni-raid: 4 bebot nasagip
TALAVERA, Nueva Ecija , Philippines — Nasagip ng pulisya ang apat na kabataang babae na isinadlak sa isang resto bar sa Brgy. Sampalok sa bayang ito, kahapon ng madaling-araw.
Ayon kay P/Lt. Col. Alexei Desamito, hepe ng Talavera Police, batay sa reklamo ng mga residente sa naturang lugar, nagsagawa ang pulisya ng sorpresang anti-human trafficking operation sa Triple CA Resto Bar at dito ay nailigtas ang apat na babae kabilang ang isang 16-anyos.
Naaresto naman ang namamahala ng nasabing bar na si Marnitz Siobal, 26. Kasong paglabag sa Republic Act 9208 o anti-human trafficking ang kaso na kanyang kakaharapin.
Bandang alas-2:10 ng madaling-araw nang magsagawa ng operasyon ang pulisya sa nasabing establisimyento.
Narekober ng mga pulis ang halagang P1000 na ginamit sa transaksyon na pambayad sa sexual exploitation na naka-video para sa documenting nito sa korte.
- Latest