‘Pusher’ todas sa buy-bust
LEGAZPI CITY, Albay , Philippines — Nasawi ang isang 35-anyos na umano’y drug pusher matapos na tangkaing makipagbarilan sa aarestong pulis sa inilatag na buy-bust operation sa Zone-2, Brgy. Sta.Justina, Pili, Camarines Sur kamakalawa ng umaga. Kinilala ang napatay na suspek na si Frederick Canillo Orallo, residente ng Zone-2, Guevarra Street, Brgy. Sto. Domingo, Iriga City. Sa ulat, dakong alas-12 ng tanghali, magkatuwang na inilatag ng Iriga City Police at Buhi Police ang buy-bust operation laban sa suspek.
Gayunman, makaraang i-abot sa poseur buyer na pulis ang biniling droga ay pumalag ang suspek nang aktong aarestuhin na. Bumunot ng baril ang suspek mula sa belt bag at pinutukan ang papalapit na operatiba na agad nakapagtago at gumanti ng putok na ikinabulagta ng suspek.
Isinugod sa Buhi Rural Unit ang suspek pero namatay habang nilalapatan ng lunas. Nakuha sa suspek ang isang kalibre .38 baril, dalawang sachet ng shabu at drug paraphernalia.
- Latest