‘Karnaper’ todas sa engkwentro
TUGUEGARAO CITY, Cagayan, Philippines — Napatay matapos manlaban ang isang carnap suspect na nasa Police Drugs Watchlist matapos umanong mahuling nakasakay sa isang ninakaw na motorsiklo sa Brgy. Gen Balao, Solana, Cagayan noong Biyernes.
Kinilala ng Pulisya ang napatay na si Joel Soriano ng Barangay Maddarulug ng nasabing bayan.
Ayon sa report, si Soriano ay natukoy ni Crispin Morales sa dalawang lalaking umagaw sa kanyang sasakyan sa Brgy. Maguiring kaya agad na nagsagawa ng dragnet operation ang kapulisan na nauwi sa engkwentro dakong alas 9:40 ng gabi.
Isinugod si Soriano sa isang hospital subalit idineklara na itong patay habang nakatakas ang kasama nito dala ang motorsiklo dagdag ng report.
Narekober kay Soriano ang baril nitong cal.38 rebolber na paltik at isang plastic sachet ng pinatuyong dahon ng marijuana.
- Latest
